Á stovninum eru 99 børn ið eru á 6 stovum. Børnini eru millum 0 og 6 ár.

Umleið 32 arbeiðsfólk er knýtt at stovninum, umframt leiðsla, avloysara, bókhaldari, reingerðarfólk og húsavørður

Barnagarðurin er bíttur upp í stovur við føstum starvsfólkum, har børn og foreldur koma at hava tætt samstarv við ta stovu, barnið er í.

Stovnurin virkar sum ein sjálvsognarstovnur við egnari nevnd.

Vónandi vil henda heimasíða verða tykkum til hjálpar, og vóna starvsfólk og nevnd fyri Drotning Margrethu Barnagarð, at tit og barn tykkara fara at hava gleði af tíðini barnið fer at ganga í barnagarðinum hjá okkum.